Curso gratuíto de Desconexión Dixital: coñece o teu dereito a desconectar e pono en práctica
Cantas veces contestastes un correo ou un WhatsApp de traballo fóra do voso horario laboral, case sen pensalo? A desconexión dixital non é só unha moda nin un capricho: é un dereito recoñecido por lei, e precisamente diso trata o segundo curso do programa de prevención de riscos laborais que Empresarias Galicia desenvolve grazas á subvención da Xunta de Galicia.
Trátase dunha formación gratuíta, de 10 horas e en modalidade online, que se desenvolverá do 20 ao 31 de xullo de 2026, con 15 prazas dispoñibles.
Que ides aprender?
O curso repasa o marco normativo vixente en materia de protección de datos persoais e garantía dos dereitos dixitais, con especial atención á Lei Orgánica 3/2018, do 5 de decembro, e á Lei 10/2021, do 9 de xullo, de traballo a distancia. A partir de aí, afóndase nos principais dereitos dixitais no ámbito laboral, con especial foco no dereito á desconexión dixital e na protección da intimidade fronte ao uso de dispositivos dixitais, sistemas de videovixilancia e xeolocalización.
Tamén se aborda o concepto de Sociedade da Información e a súa relación coa necesidade de garantir a desconexión dixital das persoas traballadoras, así como as enfermidades e os riscos psicosociais asociados ao uso das tecnoloxías da información e da comunicación (TIC). Un bloque especialmente útil é o que axuda a diferenciar con claridade o tempo de traballo do tempo de descanso ou desconexión, e a súa importancia para a saúde, o benestar e a conciliación da vida persoal e laboral. O curso pecha cun repaso á normativa internacional e nacional aplicable nesta materia.
O programa organízase en catro unidades:
- Sociedade da Información
- Enfermidades relacionadas
- Normativa, traballo e desconexión
- Instrumentos de regulación
A formación corre a cargo dun docente con Máster en Prevención de Riscos Laborais.
A quen vai dirixido?
A persoas traballadoras activas ou en situación de desemprego, autónomas, delegadas e delegados de prevención, recursos preventivos e persoas traballadoras designadas que asuman con medios propios a acción preventiva da súa empresa.
Como apuntarse?
As prazas son limitadas, así que se vos interesa, non o deixedes para o último momento:
- Correo electrónico: info@empresariasgalicia.com
- Teléfono: 722 144 430
- Web: www.empresariasgalicia.com
As prazas son limitadas, así que non o deixedes para o último momento.
Tamén podes cubrir o seguinte formulario e poñerémonos en contacto contigo para formalizar a inscrición:
Curso gratuíto grazas ao programa de Accións de Fomento da Prevención de Riscos Laborais, cofinanciado pola Xunta de Galicia.
